2023-ci ilin mayın 1-4-də ABŞ-ın Virciniya ştatının Arlinqton şəhərində Ermənistan Respublikasının xarici işlər naziri Ararat Mirzoyan və Azərbaycan Respublikasının xarici işlər naziri Ceyhun Bayramov arasında danışıqlar aparılıb.
Vaşinqtonda onlar ABŞ-nin dövlət katibi Entoni Blinken və prezidentin köməkçisi, milli təhlükəsizlik üzrə müşaviri Ceyk Sallivanla görüşüblər.
Nazirlər hazırki vəziyyətlə bağlı fikirlərini təqdim edib, münasibətlərin normallaşması ilə bağlı mövcud məsələlərə dair mövqelərini bildiriblər.
Nazirlər və nümayəndə heyətinin üzvləri “Sülh və Dövlətlərarası Münasibətlərin Qurulması haqqında” ikitərəfli Saziş layihəsinin bəzi maddələri üzrə qarşılıqlı razılıq əldə edib, lakin eyni zamanda bəzi əsas məsələlər üzrə mövqelərin fərqli olaraq qalır.
Tərəflər müzakirələri davam etdirmək barədə razılığa gəliblər.
Daha sonra ER Xarici İşlər Nazirliyinin sözçüsü bildirib ki, “mayın 4-də Arlinqtonda (ABŞ) ABŞ-nin dövlət katibi Entoni Blinken, Ermənistanın xarici işlər naziri Ararat Mirzoyan və Azərbaycanın xarici işlər naziri Ceyhun Bayramov Ermənistan və Azərbaycan arasında münasibətlərin tənzimlənməsinə dair müzakirələr raundunu yekunlaşdıran üçtərəfli görüş keçirib”.
