Azərbaycan Xarici İşlər Nazirliyi azərbaycanlı diplomatların İrandan çıxarılması barədə səhərki xəbərləri təsdiqləyib.
Azərbaycan Xarici İşlər Nazirliyinin saytındakı məlumatda deyilir ki, iranlı diplomatlar Azərbaycandan çıxarıldıqdan bir neçə gün sonra İran tərəfi qarşılıqlılıq prinsipinə əsaslanaraq Azərbaycanın İrandakı səfirliyinin 2 əməkdaşını və Təbrizdəki Baş Konsulluğun 2 əməkdaşını arzuolunmaz şəxslər elan edib.
Qeyd edək ki, bu gün bəzi qeyri–rəsmi mənbələr dörd azərbaycanlı diplomatın İrandan (ikisinin Tehrandakı səfirlikdən, ikisinin isə Təbrizdəki konsulluqdan) çıxarıldığı barədə məlumat yaymışdı.
