«Սպորտի ինստիտուցիոնալացումը այն կարևոր խորքային քայլն է, որ մենք պետք է անենք առկա ընթացիկ հաջողությունները ամրապնդելու և նոր ամբիցիաներ սպորտի համար ձևակերպելու իմաստով»,- հայտարարել է վարչապետը՝ ելույթ ունենալով Սպորտի միջազգային օրվա առիթով 2025-ի Հայաստանի լավագույն մարզիկների պարգևատրման արարողությանը:
Նիկոլ Փաշինյանի խոսքով՝ այդ ուղղությամբ այսօր լուրջ քայլեր են արվում, ինչպես օրինակ հայտնի մարզիկների անուններով մարզա-դպրոցների կառուցումը: Վարչապետը շնորհակալություն է հայտնել բոլոր մարզիկներին, որոնք իրենց հաջողություններով մեծացրել են Հայաստանի մարզական վարկանիշը և բերկրանքի աննկարագրելի պահեր նվիրել Հայաստանի քաղաքացիներին:
Հեղինակ՝ Իրինա Մկրտչյան
