ԱՄՆ-ն և Իսրայելը շարունակում են ավիահարվածներ հասցնել Իրանին։ Սաուդյան Արաբիայի Al Hadath հեռուստաընկերությունը երկուշաբթի հաղորդել է, որ պայթյուններ են տեղի ունեցել Իրանի կենտրոնական մասում գտնվող Սպահանում և Յազդում։
Լիբանանի Al-Mayadeen հեռուստաալիքի հաղորդմամբ էլ պայթյուններ են որոտացել նաև Թեհրանում և Խուզեստանում՝ Իսլամական Հանրապետության հարավ-արևմուտքում։
Միևնույն ժամանակ, ԱՄՆ կենտրոնական հրամանատարությունը (CENTCOM) հայտնել է, որ «Էպիկական ցասում» գործողության 24 ժամվա ընթացքում Իրանում հարվածել է ավելի քան 1000 թիրախի։ Դրանց թվում են հրամանատարական և վերահսկողական կենտրոնները, բալիստիկ հրթիռների բազաները և Իսլամական հեղափոխության պահապանների կորպուսի (ԻՀՊԿ՝ Իրանի զինված ուժերի էլիտար ստորաբաժանում) օբյեկտները։
