Իրանի դեմ ԱՄՆ-ի գործողությունը հստակ է, կործանարար և չի վերածվի անվերջանալի պատերազմի, երկուշաբթի հայտարարել է ԱՄՆ պատերազմի նախարար Փիթ Հեգսեթը։
«Սա Իրաք չէ։ Սա անվերջ չէ։ Այստեղ հակառակն է։ Այս գործողությունը հստակ է, կործանարար և կլուծի հրթիռային սպառնալիքի, նավատորմի ոչնչացման և միջուկային զենքի մշակումը կանխարգելող խնդիրները»,- նշել է նա մամուլի ասուլիսում։
Հեգսեթն ընդգծել է, որ ներկայումս Իրանում ԱՄՆ ցամաքային զորքեր չկան, նաև նշել է, որ չի «խորանա մանրամասների մեջ, թե ինչ են անելու կամ չեն անելու» ապագայում:
ԱՄՆ զինված ուժերի միացյալ շտաբների պետերի կոմիտեի նախագահ Դեն Քեյնն էլ խոստովանել է, որ ամերիկյան զինված ուժերը կունենան նոր կորուստներ։
Իրանի ազգային անվտանգության բարձրագույն խորհրդի քարտուղար Ալի Լարիջանին հայտարարել է, որ Իրանը պատրաստ է ձգձգվող պատերազմ սկսել և ամեն գնով պաշտպանել երկիրը:
«Իրանը, ի տարբերություն ԱՄՆ-ի, պատրաստվել է երկարատև պատերազմի»,- գրել է Լարիջանին Իքս սոցիալական ցանցում։
