Առողջապահության համաշխարհային կազմակերպությունը հայտարարել է, որ կորոնավիրուսի վարակը դեռևս շարունակվում է նոր երկրներ գրավել՝ ավելացնելով վարակակիրների թիվը: ԱՀԿ-ն բոլոր երկրների իշխանություններին հորդորել է խիստ միջոցառումներ իրականացնել՝ կորոնավիրուսի տարածումը նվազեցնելու համար: Միացյալ Նահանգներում գրանցվել է կորոնավիրուսի մահվան 6 դեպք: Հարավային Կորեայում ավելացել է մահվան ևս 3 դեպք: Մինչդեռ Չինաստանում վարակի տեմպը նվազել է: Այնտեղ գրանցվել է միայն 125 նոր դեպք: Սա ամենացածր ցուցանիշն է հունվարից հետո: