Rusiya Prezidentinin mətbuat katibi Dmitri Peskov mətbuat konfransında gözlənilən Putin-Paşinyan görüşünə toxunub.
Peskov bildirib: "Moskvada keçiriləcək Rusiya-Ermənistan yüksək səviyyəli danışıqlarının əsas mövzuları Ermənistanın gələcək inkişafının və istiqamətinin müəyyənləşdirilməsi, eləcə də bu məsələ ilə bağlı referendumun keçirilməsidir".
"Ermənistan Baş naziri ilə görüşdə ikitərəfli ticarət və iqtisadi əməkdaşlıqla bağlı bir neçə konkret məsələ aşkar edilib. Rusiya və Ermənistan nazirlikləri həmin görüşün nəticələrinə əsasən ticarət məsələlərini həll edəcəklər",- Kreml sözçüsü əlavə edib.
O qeyd edib ki, Ermənistan Baş nazirinin Rusiyaya səfərinin dəqiq tarixləri dövlət başçılarının iş qrafikləri nəzərə alınmaqla diplomatik kanallar vasitəsilə razılaşdırılacaq.
