31 martda Ermənistan Respublikası Təhlükəsizlik Şurasının katibi Armen Qriqoryan “Ermənistanın təhlükəsizlik siyasətinin gücləndirilməsi: Ekspert icması və dövlət orqanları arasında əməkdaşlığın əhəmiyyəti” mövzusunda ictimai müzakirədə iştirak edib və açılış nitqi ilə çıxış edib. Bu barədə Təhlükəsizlik Şurasının ofisi məlumat yayıb.
Müzakirə zamanı Təhlükəsizlik Şurasının katibi dövlət orqanları ilə vətəndaş cəmiyyəti nümayəndələri arasında əməkdaşlığın və qarşılıqlı əlaqənin vacibliyini vurğulayıb.
Tədbirin ikinci hissəsində fikir mübadiləsi və sual-cavab sessiyası keçirilib.
Müzakirə Böyük Britaniyanın Ermənistandakı səfirliyi və Qafqaz İnstitutu tərəfindən “Ermənistanın təhlükəsizlik siyasətinin gücləndirilməsi” proqramı çərçivəsində təşkil edilib.
