ABŞ prezidenti Donald Tramp Rusiya-Ukrayna müharibəsinə son qoymaq və sülhün bərqərar olması prosesinin Rusiya tərəfindən deyil, Ukrayna tərəfindən ləngidildiyini bildirib.
Ağ Evin aparat rəhbəri Reuters agentliyinə verdiyi müsahibədə Rusiya prezidenti Vladimir Putinin təxminən dörd ildir davam edən müharibəyə son qoymağa hazır olduğunu bildirib.
"Düşünürəm ki, o, razılaşma əldə etməyə hazırdır. Düşünürəm ki, Ukrayna razılaşma əldə etməyə daha az hazırdır", - deyə Tramp bildirib.
O, gələn həftə Davosda keçiriləcək Dünya İqtisadi Forumu çərçivəsində Ukrayna prezidenti Volodimir Zelenski ilə görüşü istisna etməyib.
Rusiyanın xarici işlər naziri Sergey Lavrov da öz növbəsində Donald Trampın xüsusi nümayəndəsi Stiv Vitkov və prezidentin müşaviri və kürəkəni Cared Kuşnerlə danışıqlar aparmağa hazır olduqlarını açıqlayıb. Bloomberg onların Moskvaya səfəri barədə məlumat yayıb. Lakin Tramp belə bir səfərdən xəbərsiz olduğunu qeyd edib.
