Rusiya və Türkiyə Xarici İşlər Nazirliklərinin rəsmiləri Cənubi Qafqazdakı vəziyyəti, Orta Asiyada əməkdaşlığın inkişafını və Ukrayna ətrafındakı vəziyyəti müzakirə etdilər.
Görüşdə Rusiya tərəfindən xarici işlər nazirinin müavini Mixail Qaluzin, Türkiyə tərəfindən isə Şərqi Avropa və Cənubi Qafqaz üzrə Baş İdarənin rəisi Mehmet Samsar iştirak etdilər.
Tərəflər Mərkəzi Asiya və Cənubi Qafqazda yeni bölücü xətlər yaradacaq xarici təşəbbüslərin irəli sürülməsini qəbuledilməz hesab etdilər. Bu kontekstdə tərəflər sabitliyin və təhlükəsizliyin gücləndirilməsi üçün perspektivli bir mexanizm hesab edərək "3+3" regional əməkdaşlıq platformasının işini davam etdirməkdə maraqlı olduqlarını vurğuladılar.
