ER parlamentinin sədri Alen Simonyan oktyabrın 15-də Parlamentlərarası İttifaqın baş katibi Martin Çunqonq ilə görüşüb.
Tərəflər Ermənistan və Azərbaycan parlament sədrlərinin ləğv edilmiş görüşünün təfərrüatlarını müzakirə ediblər.
Martin Çunqonq bildirib ki, Azərbaycan tərəfi təmaslar pəncərəsini bağlı hesab etmir. Buna cavab olaraq ER parlamentinin sədri cavab verdi ki, Cenevrəyə səfəri ərəfəsində Düşənbədə keçirilən Parlamentlərarası Assambleya çərçivəsində azərbaycanlı həmkarı ilə üç günlük təmasda olmasına baxmayaraq, o, görüşün ləğvi barədə deməyib və bu barədə erməni tərəfi yalnız Cenevrəyə gələndən sonra təşkilatın katibliyindən xəbər tutub.
Eyni zamanda, Alen Simonyan Ermənistan tərəfinin dialoqu davam etdirməyə, iki ölkənin parlamentlərini və cəmiyyətlərini sülhə hazırlamağa və onun möhkəmləndirilməsinə yönəlmiş konkret addımlar atmağa hazır olduğunu bir daha təsdiqləyib.
