Ermənistan Respublikası ilə Azərbaycan Respublikası arasında dövlət sərhədinin delimitasiyası üzrə Dövlət Komissiyası və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın 2024-cü il aprelin 19-da imzalanmış 8-ci görüşünün Protokoluna uyğun olaraq, Komissiyaların birgə fəaliyyəti haqqında Əsasnamənin razılaşdırılması ilə bağlı işlər yekunlaşıb.
Baş nazir Aparatının İnformasiya və ictimaiyyətlə əlaqələr şöbəsi “Armenpress”in məsələ ilə bağlı suallarını cavablandırıb.
Sual: İmzalanma harada baş tutub?
Cavab: Əsasnamə diplomatik kanallar vasitəsilə sənədlərin əslinin mübadiləsi yolu ilə imzalanıb.
Sual: Əsasnamənin mətni nə vaxt dərc olunacaq?
Cavab: Ölkədaxili koordinasiya prosedurlarının həyata keçirilməsi çərçivəsində gələn bazar ertəsi sənəd müəyyən edilmiş qaydada ictimaiyyətə açıqlanacaq. Əsasnamə ER qanunvericiliyinə uyğun olaraq hökumətin müzakirəsinə veriləcək, bundan sonra parlamentdə onun ratifikasiyası proseduruna başlanacaq və bu məqsədlə sənəd ilk növbədə Konstitusiya Məhkəməsinə göndəriləcək.
Sual: Sənəd niyə indi dərc edilmir?
Cavab: 2024-cü il aprelin 19-da komissiyalar arasında keçirilən görüşlə bağlı press-relizdə əvvəlcədən sənədin əsas siyasi məzmunu açıqlanmışdı. Sənədin yayılma məsələsi hər iki ölkədə proseslərin mümkün qədər sinxronlaşdırılması zərurəti ilə bağlıdır.
İyulun 1-nə olan məlumata görə, komissiyalar artıq bir neçə dəfə Əsasnamə layihəsi üçün işçi variantları və təkliflər mübadiləsi aparıblar, lakin layihənin nəhayət razılaşdırılması və imzalanması üçün danışıqlar əslində bir az daha çox vaxt aparıb.
Sual: Sərhədin demarkasiyasının növbəti mərhələsi nə vaxt və sərhədin hansı hissəsində həyata keçiriləcək?
Cavab: Aprelin 19-da keçirilən görüşlə bağlı press-relizdə deyilir ki, Tərəflər Əsasnamə təsdiq edildikdən sonra ardıcıllıqla razılaşmalı və sərhədin bütün qalan hissələrinin demarkasiyası prosesini davam etdirməli olduqları barədə razılığa gəliblər.
Sual: Sərhədin qalan hissələrində demarkasiya eyni prinsiplə davam edəcəkmi?
Cavab: Aprelin 19-da keçirilən görüşlə bağlı mətbuata verilən məlumata görə, Tərəflər demarkasiya prosesində Alma-Ata bəyannaməsini rəhbər tutacaqları və bu əsas prinsipin Əsasnamədə də təsbit ediləcəyi barədə razılığa gəliblər.
Sual: Ratifikasiya prosesi nə qədər çəkə bilər?
Cavab: Artıq qeyd etdiyimiz kimi, sənədin ratifikasiya proseduru çərçivəsində sənəddə nəzərdə tutulmuş öhdəliklərin Ermənistan Respublikasının Konstitusiyasına uyğunluğunun müəyyən edilməsi üçün Konstitusiya Məhkəməsinə göndəriləcək. Əgər KM müsbət mövqeyi olarsa, o, artıq ratifikasiya üçün parlamentə təqdim olunacaq.
