İyulun 14-də ER Parlamentinin sədr müavini Ruben Rubinyan Polşa Respublikasının Ermənistandakı fövqəladə və səlahiyyətli səfiri Pyotr Skveçinskini qəbul edib.
ER Parlamentinin məlumatına görə, Ruben Rubinyan səfiri parlamentdə salamlayaraq qeyd edib ki, Ermənistan Polşa ilə əlaqələrin və əməkdaşlığın inkişafına önəm verir.
Ruben Rubinyan səfirin xahişi ilə regional təhlükəsizlik məsələlərini, Dağlıq Qarabağdakı vəziyyəti təqdim edib, Laçın dəhlizinin qanunsuz blokadası nəticəsində yaranmış humanitar böhrandan danışıb. Ermənistan-Türkiyə nizamlanması prosesinə toxunulub.
Görüş zamanı hər iki ölkəni maraqlandıran sahələrdə əməkdaşlıq imkanları ətrafında fikir mübadiləsi aparılıb.
