ER Xarici İşlər Nazirliyinin prioritetləri sırasında erməni əsirlərin qaytarılması məsələsi təməl daşı olaraq qalır. Xarici işlər naziri Ararat Mirzoyan bu barədə Parlamentin Xarici Əlaqələr Komitəsinin bu gün keçirilən iclasında bildirib və əlavə edib ki, bu məsələ bütün ikitərəfli və çoxtərəfli görüşlər zamanı daim qaldırılıb.
“BQXK-nın ER-dəki ofisi ilə operativ iş də davam edib. Ermənistan Respublikasının Xarici İşlər Nazirliyi digər idarələrlə əməkdaşlıq edərək Azərbaycanda qanunsuz saxlanılan erməni hərbi əsirlərlə bağlı BMT-nin işgəncələr və digər qəddar, qeyri-insani, ləyaqəti alçaldan rəftar və ya cəzalar üzrə xüsusi məruzəçisinə və özbaşına həbslər və məcburi yoxa çıxmalarla bağlı İşçi Qruplarına şikayət-hesabat paketi hazırlayıb və təqdim edib”, - Mirzoyan bildirib.
Nazir onu da xatırladıb ki, əsirlərlə bağlı sənədlər Nyu-York, Cenevrə, Strasburq, Vyana, Brüssel və başqa yerlərdə beynəlxalq təşkilatlarda yayılıb.
