ER Xarici İşlər Nazirliyinin ən mühüm prioriteti Ermənistanın və Artsaxın təhlükəsizliyinin təmin edilməsi, ATƏT-in Minsk Qrupunun həmsədrliyi çərçivəsində və onun mandatı altında Dağlıq Qarabağın siyasi nizamlanmasıdır. Bu barədə ER xarici işlər naziri Ararat Mirzoyan Parlamentin xarici əlaqələr, maliyyə-kredit və büdcə məsələləri üzrə daimi komissiyalarının birgə iclasında bildirib.
“Bu, Ermənistan Xarici İşlər Nazirliyinin gündəlik fəaliyyətinə, o cümlədən ER XİN rəhbərinin və digər rəsmi şəxslərin istisnasız olaraq bütün görüşlərinin məzmununun və gedişatına birbaşa təsir göstərib.
Müzakirələrin formatı baxımından ATƏT MQ həmsədrliyinin formatı bizim üçün xüsusi əhəmiyyət kəsb edib.
Bir illik fasilədən sonra maraqlı olan dövlətlərin mövqeyi və erməni tərəfinin işi sayəsində 2021-ci ilin sentyabrında Nyu-Yorkda, noyabrda isə Parisdə ATƏT-in Minsk Qrupu həmsədrlərinin iştirakı və vasitəçiliyi ilə Ermənistan və Azərbaycan xarici işlər nazirlərinin birinci, ikinci görüşü keçirilib. “Görüşlər zamanı erməni tərəfi ATƏT-in Minsk Qrupunun həmsədrliyi formatında Dağlıq Qarabağ münaqişəsinin sülh yolu ilə həllinin tam bərpasına dair mövqeyini vurğulayıb”- deyə Mirzoyan bildirib.
O qeyd edib ki, sərhəd zonasında deeskalasiyanın, humanitar məsələlərin həllinin zəruriliyi, o cümlədən təxribatların və antierməni ritorikasının yolverilməzliyi bir daha təsdiqlənib.
“ATƏT həmsədrlərinin Parisdə keçiriləcək ikinci görüşündən əvvəl Rusiyanın xarici işlər naziri Sergey Lavrovun vasitəçiliyi ilə oktyabrın 14-də Minskdə Ermənistan və Azərbaycanın xarici işlər nazirləri görüşüblər”- deyə Mirzoyan vurğulayıb.
Nazir həmçinin qeyd edib ki, ATƏT-in Minsk Qrupu həmsədrlərliyi formatında növbəti görüşün dekabrın 1-3-də Stokholmda ATƏT-in İllik Nazirlər Assambleyası çərçivəsində keçirilməsi nəzərdə tutulsa da, Azərbaycan tərəfi görüşdən bir neçə saat əvvəl beştərəfli görüşü ləğv edib.
