Իրանի արտգործնախարարն արձագանքել է ԱՄՆ-ից հնչող նախազգուշացումներին, հայտարարել՝ չեն պատրաստվում բանակցությունների առարկա դարձնել Իսլամական Հանրապետության պաշտպանական և հրթիռային կարողությունների հարցը, առավել ևս՝ փոխզիջումների գնալ:
«Իրանի ժողովրդի անվտանգությունը ոչ մեկի գործը չէ, կընդլայնենք մեր պաշտպանական կարողությունները: Եթե բանակցությունները արդար լինեն, Իրանը պատրաստ է մասնակցել դրանց»,- մանրամասնել է Աբբաս Արաղչին։
Նա հավելել է, որ Թեհրանի և Վաշինգտոնի ներկայացուցիչների միջև հանդիպման ծրագրեր դեռևս չկան:
«Բազմիցս ասել ենք՝ պատրաստ ենք բանակցությունների, բայց պատրաստ ենք նաև պատերազմի»,- շեշտել է իրանցի դիվանագետը։
Թեհրանից նախազգուշացրել են, որ Իսլամական Հանրապետության վրա հարձակման դեպքում թիրախում կհայտնվի նաև Իսրայելը:
