Մոսկվա-Ամստերդամ թռիչք իրականացնող Airbus A320 ուղևորատար օդանավը, որը տագնապի ազդանշան ստանալուց հետո փոխել էր ուղղությունը և վերադառնում էր, արդեն վայրէջք է կատարել «Շերեմետևո» օդանավակայանում: Այս մասին լրագրողներին հայտնել է «Աէրոֆլոտի» պաշտոնական ներկայացուցիչ Միխայիլ Դեմինը՝ փոխանցում է РИА Новости-ն:
Օդանավում տագնապի ազդանշանի պատճառը եղել է ռադիոկապի համակարգի մասնակի խափանումը: Դեմինը նշել է, որ ուղևորներին Ամստերդամ կուղարկեն մեկ այլ օդանավով:
«Շերեմետևո» օդանավակայան վերադարձած օդային փոխադրամիջոցի ուղևորների և անձնակազմի անդամների կյանքին ու առողջությանը վտանգ չի սպառնացել:
