İran və Oman xarici işlər nazirləri Hörmüz boğazından gəmiçiliyin tənzimlənməsi üçün mərhələli yanaşmanı müzakirə etmək üçün Tehranda görüşdülər.
Birgə bəyanatda deyilir ki, Oman xarici işlər naziri Bədr Əlbusəidi və onun iranlı həmkarı Abbas Əraqçi məsələnin həlli üçün praktik və mümkün əsas yarada biləcək mərhələli yanaşmanı müzakirə ediblər.
Plan boğazdan birgə müvəqqəti keçidin yaradılmasını və su ərazisinin minalardan təmizlənməsini nəzərdə tutur. Əlavə danışıqlar boğaz üçün daimi keçidi və gələcək idarəetmə rejimini müəyyən edəcək.
İran xarici işlər nazirinin müavini Kazem Qəribabadi dövlət televiziyasına verdiyi müsahibədə bildirib ki, Oman körfəzindən Fars körfəzinə gedən müvəqqəti dəniz yolu tamamilə İranın ərazi sularından keçəcək və çıxış həm İran, həm də Oman sularından olacaq.
Qəribabadinin sözlərinə görə, İran və Oman danışıqları növbəti 30-60 gün ərzində davam etdirmək niyyətindədirlər.
