Rusiya Xarici İşlər Nazirliyi Azərbaycan xarici işlər naziri Ceyhun Bayramovun Moskvaya səfərindən əvvəl Azərbaycanın Cənubi Qafqazda və Xəzər regionunda Rusiyanın mühüm tərəfdaşı olduğunu bəyan edib.
Rusiya Xarici İşlər Nazirliyinin bəyanatına görə, “3+3” regional əməkdaşlıq platforması əhəmiyyətli potensiala malikdir. Bu mexanizm regional məsələlərin və çətinliklərin xarici müdaxilə olmadan regional ölkələrin və qonşularının səyləri ilə həllinə töhfə vermək üçün nəzərdə tutulub.
"Cənubi Qafqazda sülh və sabitlik bizim üçün vacibdir. Əvvəlki kimi, biz Azərbaycan və Ermənistan arasında münasibətlərin tam normallaşması üçün, o cümlədən sülh müqaviləsinin bağlanması, demarkasiya və kommunikasiyaların açılması məsələlərində lazımi köməyi göstərməyə hazırıq".
