“Qartal Tərəfdaş 2026” hərbi təlimi rəsmi olaraq başlayıb. Təlim 17-25 iyun tarixlərində Ermənistanda keçiriləcək. Bu, uzun müddətdir davam edən Ermənistan-Amerika müdafiə əməkdaşlığına əsaslanan və beynəlxalq sülhməramlı missiyalara hazırlığı dəstəkləyən dördüncü illik hərbi təlimdir.
Bu il “Qartal Tərəfdaş” iştirakçıların əhatə dairəsini genişləndirir və Ermənistan Silahlı Qüvvələrinin sülhməramlı briqadası, ABŞ-ın Avropa və Afrikadakı ordusu və Kanzas Milli Qvardiyası ilə yanaşı, Fransa və Yunanıstan silahlı qüvvələrinin nümayəndələri də iştirak edir.
Birgə çoxtərəfli təlimlər vasitəsilə “Qartal Tərəfdaş 2026” hərbi təlimi qarşılıqlı fəaliyyət səviyyəsini artırır, ən yaxşı təcrübələrin mübadiləsini təşviq edir və sülhməramlıların hazırlığını gücləndirir.
