İran prezidenti Məsud Pezeşkian hökumətə qonşu ölkələrin imkanlarından istifadə edərək ölkəyə bir sıra zəruri malların idxalını tapşırıb.
Bəyanatda deyilir: "Prezident ölkənin şimal limanlarının potensialından maksimum dərəcədə istifadə etmək, alternativ ticarət dəhlizlərini inkişaf etdirmək və bəzi zəruri malların təmin edilməsi və idxal edilməsi üçün qonşu ölkələrin, o cümlədən Azərbaycan, Pakistan və Rusiya kimi ölkələrin imkanlarından istifadə etmək ehtiyacını vurğulayıb və bu sahədə müvafiq razılaşmaların həyata keçirilməsini sürətləndirməyə çağırıb".
Pezeşkian vurğulayıb ki, zəruri hallarda zəruri malların və dərmanların tədarükü və daşınmasında mümkün maneələri mümkün qədər tez aradan qaldırmaq üçün qonşu ölkələrin liderləri və regional tərəfdaşlarla şəxsən məsləhətləşəcək.
