Oktyabrın 14-də Ermənistanın ABŞ-dakı səfirliyində “Süni intellekt və kənd təsərrüfatı: məlumatların suverenliyi, ərzaq təhlükəsizliyi və iqlimin davamlılığı” mövzusunda dəyirmi masa keçirilib. Bu barədə səfirlik məlumat yayıb.
Açılış nitqi ilə çıxış edən səfir Narek Mkrtçyan belə formatda müzakirələrin təcrübə mübadiləsi və praktiki əməkdaşlığın təşviqi üçün effektiv platforma kimi əhəmiyyətini vurğulayıb. Səfir həmçinin avqustun 8-də Ermənistan və ABŞ arasında imzalanmış memorandumlara və onlardan irəli gələn yeni imkanlara, xüsusən də süni intellektin inkişafı və texnoloji əməkdaşlığın inkişafına toxunub.
Müzakirələrdə Parlamentin sədr müavini Hakob Arşakyan da iştirak edib. Spikerin müavini tədbir iştirakçılarını salamladı və Ermənistanın texnoloji sektorda qeydə aldığı ən son nailiyyətləri təqdim edib.
“O vurğulayıb ki, süni intellekt həlləri artıq Ermənistanda təhsil, elm, səhiyyə, eləcə də kənd təsərrüfatı sahələrində uğurla tətbiq olunur və bu, beynəlxalq elmi və texnoloji əməkdaşlıq üçün yeni üfüqlər açır.
Dəyirmi masanın əsas məruzəçiləri:
• Dr. Konrad Rayn, Qlobal Qida Təhlükəsizliyi Liderliyi Təşəbbüsünün Baş Katibi,
• Dr. Naser Alkahtani, Səudiyyə Ərəbistanının AGFUND-nun icraçı direktoru,
• Dr. Daman Valia, ABŞ vitse-prezidenti J.D.Vensın ofisinin müşaviri.
Həmçinin Harvard Universiteti və Massaçusets Texnologiya İnstitutunun (MIT) bu sahədə ekspertləri, diplomatik korpusun nümayəndələri, yerli və beynəlxalq özəl təşkilatların rəhbərləri iştirak ediblər.
Tədbirin sonunda iştirakçılar əməkdaşlığı davam etdirmək və davamlı inkişafın, innovativ həllərin təşviqinə və onların praktiki tətbiqinə, o cümlədən Ermənistanda tətbiqinə yönəlmiş birgə təşəbbüslərin inkişaf etdirilməsinə hazır olduqlarını təsdiqləyiblər”, - məlumatda deyilir.
