ER Prezidenti Vahaqn Xaçaturyan Argentina Respublikasına işgüzar səfəri çərçivəsində Argentina Prezidenti Xavyer Mile ilə görüşüb. Bu barədə Prezident Aparatı məlumat yayıb.
Görüş zamanı Argentinanın mövcud iqtisadi vəziyyəti və Argentina Prezidentinin rəhbərlik etdiyi hökumət tərəfindən həyata keçirilən sistemli islahatlar prosesi ilə bağlı hərtərəfli müzakirə aparılıb.
Dövlət başçıları Cənubi Qafqaz regionundakı inkişafları müzakirə ediblər. Ermənistan prezidenti Ermənistanın sülh prosesi ilə bağlı mövqeyini və bu istiqamətdə əldə olunan irəliləyişi təqdim edib.
İki ölkə arasında qarşılıqlı faydalı əməkdaşlığın inkişaf etdirilməsi məqsədilə ticarət-iqtisadi sahədə əməkdaşlığın genişləndirilməsi imkanları və onların təşviqi yolları müzakirə edilib. Tərəflər qarşılıqlı maraq doğuran sahələrdə tərəfdaşlıq potensialından tam istifadənin vacibliyini vurğulayıblar.
Görüşün sonunda Ermənistan Respublikasının Prezidenti Vahaqn Xaçaturyan Argentina Prezidenti Xavyer Mileni münasib vaxtda Ermənistana səfərə dəvət edib.
