19 iyun tarixində Ermənistan Respublikası xarici işlər nazirinin müavini Vahan Kostanyan Ermənistana yeni təyin olunmuş Avropa İttifaqı Tərəfdaşlıq Missiyasının rəhbəri səfir Kosmin Corc Dinesku ilə görüşüb. Bu barədə ER XİN məlumat yayıb.
Nazir müavini AB Xarici İşlər Şurasının Ermənistanda yeni AB mülki missiyasının yerləşdirilməsi qərarını alqışlayıb və missiyanın kiberhücumlara, dezinformasiyaya və qanunsuz maliyyə axınlarına qarşı Ermənistanla AB arasında əməkdaşlığın gücləndirilməsindəki rolunu vurğulayıb.
Həmsöhbətlər missiyanın imkanlarını tam şəkildə artırmaq üçün zəruri addımları müzakirə ediblər, missiyanın mandatından irəli gələn fəaliyyətlərin həyata keçirilməsində erməni tərəfdaşlarla effektiv əməkdaşlığın vacibliyi vurğulanıb.
Ermənistan xarici işlər nazirinin müavini Kosmin Corc Dineskuya missiyanın məqsədlərinin effektiv şəkildə həyata keçirilməsində uğurlar arzulayıb və Ermənistan tərəfinin missiyanın həyata keçirilməsini dəstəkləməyə hazır olduğunu bir daha təsdiqləyib.
