Dekabrın 12-də ER Müdafiə Nazirliyinin inzibati kompleksində ER Müdafiə Nazirliyinin Müdafiə Siyasəti və Beynəlxalq Əməkdaşlıq İdarəsinin rəisi Levon Ayvazyanın və İtaliya Silahlı Qüvvələrinin Beynəlxalq Əməkdaşlıq İdarəsinin rəisi polkovnik Mattia Zuzinin rəhbərliyi ilə növbəti Ermənistan-İtaliya müdafiə məsləhətləşmələri keçirilib.
ER Müdafiə Nazirliyindən verilən məlumata görə, məsləhətləşmələr zamanı 2024-cü ildə əməkdaşlıq istiqamətində görülən işlər müzakirə edilib, növbəti ildə görüləcək işlər planlaşdırılıb.
Tərəflər son illər genişlənən, o cümlədən yeni istiqamətlər üzrə əməkdaşlığın gedişindən məmnunluqlarını ifadə ediblər.
Levon Ayvazyan həmkarlarına ordunun transformasiyası üzrə işlərin gedişini təqdim edib.
Həmçinin bir sıra regional və beynəlxalq məsələlər ətrafında fikir mübadiləsi aparılıb.
Məsləhətləşmələr nəticəsində Ermənistan və İtaliya arasında 2025-ci il üçün müdafiə sahəsində əməkdaşlıq proqramı imzalanıb ki, bu proqramda təcrübə mübadiləsi, müxtəlif istiqamətlərdə kadr hazırlığı, hərbi təhsil və digər sahələrdə bir sıra tədbirlər nəzərdə tutulub.
