Sentyabrın 26-da Nyu-Yorkda ER xarici işlər naziri Ararat Mirzoyan İran İslam Respublikasının xarici işlər naziri Seyid Abbas Əraqçi ilə görüşüb. Bu barədə ER XİN məlumat yayıb.
İki qonşu ölkə arasında formalaşmış dostluq münasibətlərinin yüksək səviyyədə olduğunu məmnunluqla qeyd edən Ararat Mirzoyan və Seyid Abbas Əraqçi qarşılıqlı maraq doğuran istiqamətlərdə əməkdaşlıq potensialının ən yaxşı şəkildə reallaşdırılması imkanlarını müzakirə ediblər.
Cənubi Qafqazda davamlı sülhün bərqərar olması kontekstində nazir Mirzoyan Azərbaycanla sülh müqaviləsinin bağlanması ilə bağlı son müzakirələri təqdim edib.
Nazir Mirzoyan regionda davamlı sülhə nail olmaq üçün Ermənistanın güclü siyasi iradəsini vurğuladı və bu kontekstdə ərazi bütövlüyü və suverenliyinə qeyd-şərtsiz hörmətlə bağlı İranın ən yüksək səviyyədə ifadə etdiyi mövqeyi vurğulayıb.
Ermənistan və İranın xarici işlər nazirləri regional iqtisadi və nəqliyyat kommunikasiyalarının açılması məsələlərinə toxunublar, bu kontekstdə Ararat Mirzoyan ER-nin “Sülhün kəsişməsində” konsepsiyasında təsbit olunmuş prinsiplərə uyğun olaraq kommunikasiyaların açılmasına ER-nin qətiyyətli yanaşmasını vurğulayıb.
