ER Baş Naziri Aparatı ilə Azərbaycan Prezidentinin Administrasiyası arasında danışıqlar aparılıb və bu danışıqların nəticəsi olaraq bu bəyanat verilib. Bunu parlamentin xarici əlaqələr üzrə daimi komissiyasının sədri Sargis Xandanyan jurnalistlərlə söhbətində deyib.
O, açıqlamada hər hansı digər tərəfin qeydinin olmadığını, danışıqların iki heyət arasında aparıldığını vurğulayıb.
“Bəyanatda çox həssas humanitar məsələyə - uzun müddət və dəfələrlə danışdığımız əsirlərin qaytarılması məsələsinə toxunulur və bu formatda danışıqlar aparmaq və məsələni həll etmək imkanı var. Bu, çox vacib bir bəyanatdır. Ermənistanın sülh sazişi üzrə danışıqların bu ilin iyulunda keçirilən üçtərəfli görüş zamanı tərəflərin razılaşdıqları prinsiplər əsasında aparılmasında israr etməkdə davam edir”, - deyə o bildirib.
Xandanyan qeyd edib ki, son bir neçə həftədir ki, ER baş nazirinin ofisi ilə Azərbaycan prezidentinin administrasiyası arasında danışıqlar gedirdi. “Söhbət qısa müddətdən gedir”, - o bildirib.
Bütün əsirlərin qaytarılması məsələsinə gəlincə, deputat bildirib: “Bu, prosesin bir hissəsi idi və bu proseslə bağlı müəyyən nəticə var və ER hökuməti həm diplomatik, həm də hüquqi diplomatiya yolu ilə fəaliyyətini davam etdirəcək ki, nəticədə Azərbaycanda olan bütün əsirlər və digər saxlanəlan şəxslər bənzər bir prosesdən sonra geri dönsünlər."
