Bu gün, noyabrın 20-də Böyük Britaniya və Şimali İrlandiya Birləşmiş Krallığının Xarici İşlər, Müstəqil Dövlətlər Birliyi və İnkişaf Nazirliyinin Avropa məsələləri üzrə naziri Leo Dokertinin Ermənistana və Cənubi Qafqazın digər ölkələrinə səfəri başlayacaq. .
Bu barədə Böyük Britaniyanın Ermənistandakı səfirliyi məlumat yayıb.
Avropa məsələləri üzrə nazir Leo Dokerti Yerevana səfərindən əvvəl bildirib. “Cənubi Qafqaz həm daxildə, həm də qonşu ölkələrdən regionun sabitliyini təhdid edən mühüm təhlükəsizlik çağırışları ilə üz-üzədir. Qeyri-sabit regionda Böyük Britaniya islahatlar, sülh və sabitlik üçün etibarlı tərəfdaşdır”.
Bildirilib ki, Avropa işləri naziri ötən həftə Londonda keçirilən Böyük Britaniya-Ermənistan strateji dialoquna yeni təkan vermək üçün Yerevana gələcək.
Dağlıq Qarabağda baş verən son hadisələrə toxunan nazir Dokerti Ermənistan və Azərbaycan liderlərini tarixi sülh sazişinin əldə edilməsi və regionda davamlı sülhün təmin edilməsi üçün beynəlxalq vasitəçiliklə aparılan danışıqlarda səmərəli iştirak etməyə çağıracaq.
Sentyabr ayında Böyük Britaniya Dağlıq Qarabağda və daha geniş regionda vəziyyətə humanitar yardımı dəstəkləmək üçün Beynəlxalq Qızıl Xaç Komitəsinə (BQXK) 1 milyon funt sterlinq ayırıb.
