ER Baş naziri Nikol Paşinyan Fransanın xarici işlər naziri Ketrin Kolonanın başçılıq etdiyi nümayəndə heyətini qəbul edib. Baş nazir Fransa xarici işlər nazirinin Ermənistana səfərini alqışlayıb və ölkəmizin Ermənistan-Fransa münasibətlərinə xüsusi yanaşma və diqqətini vurğulayıb.
“Münasibətlərimizdə mövcud olan dinamikaya görə çox sevindiyimi vurğulamaq istəyirəm. Bu əlaqələr nəinki yüksək səviyyədədir, həm də düşünürəm ki, bizim onları inkişaf etdirmək üçün potensialımız var.
Fransa Prezidentə regionumuzun problemlərinə, xüsusən də Dağlıq Qarabağ və Laçın dəhlizi ətrafında yaranmış böhrana göstərilən diqqətə görə Sizə, Fransa hökumətinə xüsusi təşəkkürümü bildirmək istəyirəm. Sizi təkrar salamlayıram” – deyə Paşinyan qeyd edib.
Ketrin Kolonna isə qonaqpərvərlik üçün təşəkkür edərək əlavə edib: “Mən ilk dəfədir ölkənizə səfər edirəm və Prezidentimizin salamlarını Sizə yetirməyimə şadam. Bilirsiniz ki, Fransa Ermənistanın dostudur və daim yanındadır.
Ermənistanla bizi çox şeylər bağlayır. Amma mən şəxsən bir daha demək istəyirəm ki, apardığınız islahatlarda, səylərdə, işlərdə biz sizin yanınızdayıq”.
Ermənistan və Fransa arasında müxtəlif sahələrdə əməkdaşlığın gələcək inkişafı və möhkəmləndir ilməsi ilə bağlı məsələlər müzakirə edilib. Həmsöhbətlər Laçın dəhlizi ətrafındakı vəziyyətə, bunun nəticəsində Dağlıq Qarabağda yaranmış humanitar böhrana və Dağlıq Qarabağ münaqişəsinə toxunublar.
Həmsöhbətlər Beynəlxalq Ədalət Məhkəməsinin qərarının dərhal həyata keçirilməsinin zəruriliyini vurğulayıblar.
Azərbaycanın birtərəfli hərəkətləri, o cümlədən Laçın dəhlizində nəzarət-buraxılış məntəqəsinin quraşdırılması yolverilməz hesab edilib ki, bu da 9 noyabr 2020-ci il tarixli bəyanatın kobud şəkildə pozulmasıdır.
Qeyd olunur ki, Ermənistanla Azərbaycan arasında münasibətlərin tənzimlənməsi ilə bağlı məsələlər ətrafında da fikir mübadiləsi aparılıb. Regionda təhlükəsizlik və sabitliyin təmin edilməsi kontekstində Aİ-nin Ermənistandakı müşahidə missiyasının səmərəli fəaliyyəti vurğulanıb.
