Ermənistanın Baş naziri Nikol Paşinyan xanımı Anna Hakobyanla Almaniyada iki günlük işgüzar səfərdədir.
Baş nazir Paşinyan Almaniya kansleri Olaf Şolzla görüşüb. Danışıqlardan sonra baş nazir və kansler mətbuat konfransı keçirərək görüşün nəticələrini yekunlaşdırıblar.
Olaf Şolz Almaniyanın Ermənistana göndərilən Aİ müşahidə missiyasını dəstəklədiyini açıqlayıb və qeyd edib ki, onlar regional proseslərə də toxunublar və Laçın dəhlizinin blokadası nəticəsində Dağlıq Qarabağda yaranmış vəziyyəti müzakirə ediblər.
Şolz vurğulayıb ki, status-kvo davam edə bilməz, Ermənistan və Azərbaycanın ərazi bütövlüyü və Dağlıq Qarabağ xalqının öz müqəddəratını təyinetmə hüququ əsasında uzunmüddətli həll yoluna nail olunmalıdır.
"Bütün bu prinsiplər bərabərdir", - O əlavə edib.
“Almaniya Avropa İttifaqı Şurasının prezidenti Şarl Mişelin vasitəçilik səylərini dəstəkləyir, biz bunu Almaniyanın Aİ missiyasındaki iştirakı ilə göstərdik. Üstəlik, Almaniyanın federal polisi həmin missiyaya rəhbərlik edəcək”, - Almaniya kansleri bildirib.
O, baş nazir Paşinyanla iki ölkənin iqtisadi əlaqələrini də müzakirə etdiklərini bildirib.
