Qazaxıstan Respublikasında işgüzar səfərdə olan Baş nazirin müavini Mher Qriqoryan oktyabrın 28-də MDB-yə üzv dövlətlərin Hökumət Başçıları Şurasının növbəti iclasında iştirak edib.
İclasda baş nazirin müavini Mher Qriqoryan çıxış edərək qeyd edib ki, Ermənistanın Azərbaycanla münasibətləri tənzimləmək üçün konstruktiv mövqeyi fonunda Azərbaycanın təxribat xarakterli hərəkətləri və döyüşkən bəyanatları dayanmır.
“Hesab edirik ki, münasibətlərin tənzimlənməsində əsas rol ötən ilin noyabrın 26-da Soçidə Ermənistan baş nazirinin, Rusiya prezidentinin və Azərbaycan prezidentinin üçtərəfli görüşündə əldə olunmuş müvafiq razılaşmanın həyata keçirilməsi çərçivəsində yaradılmış delimitasiya və sərhəd təhlükəsizliyi komissiyalarının konstruktiv birgə işinə həvalə edilib.
Xüsusilə qeyd etmək lazımdır ki, delimitasiya prosesində biz MDB-nin fundamental sənədlərinə əsaslanmalıyıq, ona əsasən sovet respublikalarının keçmiş inzibati sərhədləri Ermənistanla Azərbaycan arasında dövlət sərhədləri oldu”.
Mher Qriqoryan bu ilin sentyabrın 13-də Azərbaycanın Ermənistanın suveren ərazisinə etdiyi hücüm və onun nəticələri barədə məlumat verib.
“Azərbaycan tərəfidən əsirlərə qarşı işgəncələr verilməsi, vəhşicəsinə qətlə yetirilməsi və fiziki şikəst edilməsi, həlak olan erməni hərbçilərin cəsədlərinin təhqir edilməsi ilə bağlı yayılmış videogörüntülər bütün sivil dünyanın şüurunu sarsıdıb.
Azərbaycan hərbçiləri tərəfindən törədilmiş hərbi cinayətləri və insanlıq əleyhinə cinayətləri sübut edən kütləvi informasiya vasitələrində yerləşdirilmiş materialların sosial şəbəkələrin azərbaycanlı istifadəçiləri arasında geniş yayılması ilə yanaşı, həm də müsbət qiymət alması son dərəcə narahatedicidir.
Azərbaycanın döyüşkən ritorikası onu göstərir ki, bu ölkə Ermənistanın daha çox ərazisini işğal etmək niyyətindədir və bunun qarşısı alınmalıdır”- deyə M. Qriqoryan vuruğlayıb.
Onun sözlərincə, Azərbaycanın yeni hücumlarının qarşısının alınması kontekstində beynəlxalq tərəfdaşların Bakının təxribat xarakterli bəyanatlarına ünvanlı və aydın reaksiya verməsi xüsusi rol oynayır.
“Vurğulamaq istərdim ki, Dağlıq Qarabağ münaqişəsinin siyasi-diplomatik həlli Cənubi Qafqaz regionunda sülhün və təhlükəsizliyin bərqərar olmasının tərkib hissəsidir, sabitliyin və təhlükəsizliyin təmin edilməsi üçün isə Azərbaycan silahlı qüvvələrinin Ermənistanın suveren ərazisindən qeyd-şərtsiz və dərhal geri götürülməsi zəruridir.
Bütün regional kommunikasiyaların blokunun açılması kontekstində Azərbaycanın “dəhliz mövzusu” ilə daimi manipulyasiyası yalnız 9 noyabr 2020-ci il tarixli üçtərəfli bəyanatın həyata keçirilməsinə mane olur.
Bu bəyanatın doqquzuncu bəndinin heç bir yerində “dəhliz” sözünün qeyd edilmədiyini vurğulamaq istərdim. 9 noyabr 2020-ci il tarixli bəyanatda “dəhliz” sözü sırf Dağlıq Qarabağ əhalisinin təhlükəsizliyini və güzəranını təmin edən Laçın dəhlizinə münasibətdə işlədilir və burada regional nəqliyyat əlaqələrinin açılması mövzusu ilə heç bir əlaqəsi yoxdur və bu razılaşmalar arasında hər hansı uydurma paraleli əks-məhsuldar hesab edirik.
Bəyanatda Ermənistanın Azərbaycanın qərb rayonlarını Naxçıvan Muxtar Respublikası ilə birləşdirən yeni yolun tikintisi ilə bağlı birtərəfli öhdəliyi yoxdur.
Biz həmişə konstruktiv dialoq və səmərəli qarşılıqlı faydalı həll yollarının tapılması yolu ilə tərəflərin suverenliyinə və qanunvericiliyinə hörmət əsasında regionda bütün nəqliyyat və iqtisadi əlaqələrin blokdan çıxarılmasını təklif etmişik və təklif edirik.
Azərbaycanın açıq-aşkar nəqliyyat kommunikasiyalarının açılmasına mane olmaq və insanların ünsiyyətini mümkün qədər təcrid etmək istəyi sübut edir ki, Azərbaycan tərəfi regionda sabit sülhün bərqərar olması kimi son məqsədi güdmür”.
