Aprelin 3-də Rusiya Federasiyası və Ermənistan Respublikası arasında diplomatik münasibətlərin qurulmasının 30 illiyi tamam olur. Bu münasibətlə Rusiya Federasiyasının Prezidenti Vladimir Putin Ermənistan Respublikasının Baş naziri Nikol Paşinyan və Ermənistan Respublikasının Prezidenti Vahaqn Xaçaturyanla təbrik məktubu mübadiləsi aparıb. Rusiya xarici işlər naziri Sergey Lavrov və Ararat Mirzoyan da təbrik mətubları göndəriblər. Bu barədə Rusiya Xarici İşlər Nazirliyi məlumat yayıb.
“Yubiley ilində biz siyasi, mədəni və humanitar sahələrdə genişmiqyaslı proqramlar planlaşdırırıq. Ermənistan Respublikasının baş naziri Nikol Paşinyanın Rusiyaya rəsmi səfəri planlaşdırılır. Bundan əvvəl aprelin 8-də Ermənistanın xarici işlər naziri Ararat Mirzoyan Moskvaya işgüzar səfər edəcək.
Hərbi və hərbi-texniki əməkdaşlıq həm ikitərəfli, həm də KTMT çərçivəsində tədricən inkişaf edir. Ermənistanda yerləşən Rusiya hərbçiləri və sərhədçiləri respublikanın dinc inkişafı üçün təhlükəsiz mühiti təmin etmək üçün erməni həmkarları ilə daim əməkdaşlıq edirlər. Biz regional təhlükəsizliyi gücləndirmək üçün səylərimizi birləşdiririk.
Rusiya qardaş Ermənistanla münasibətləri yüksək qiymətləndirir. Bu mnüasibətlər bizə gələcək üçün inamla planlar qurmağa imkan verən zamanın sınağından çıxıblar, bu bizə gələcəyə inamla planlar qurmağa imkan verir. Biz ölkələrimizin və xalqlarımızın təhlükəsizliyi və firavanlığı naminə Rusiya-Ermənistan müttəfiqliyini daha da gücləndirmək əzmindəyik”,- deyə XİN bəyanatında qeyd olunub.
