Martın 30-da Brüsseldə Ermənistan Respublikası ilə Belçika Krallığının Xarici İşlər Nazirlikləri arasında siyasi məsləhətləşmələr keçirilib.
Ermənistan nümayəndə heyətinə ER xarici işlər nazirinin müavini Paruyr Hovhannisyan, Belçika tərəfdən isə XİN-in ikitərəfli məsələləri üzrə baş direktor Jeroan Korman rəhbərlik edib.Həmsöhbətlər Ermənistan və Belçika arasında səmərəli və konstruktiv dialoqu yüksək qiymətləndiriblər.
Tərəflər investisiya və biznes mühitinin yaxşılaşdırılması üçün atılacaq addımların əhəmiyyətini xüsusilə vurğuladılar.
Görüşdə qarşılıqlı maraq doğuran beynəlxalq və regional gündəliyin bir sıra məsələləri ətrafında fikir mübadiləsi aparılıb.
Tərəflər Dağlıq Qarabağ münaqişəsi ətrafında mövcud vəziyyətə də toxunublar. Bu kontekstdə Dağlıq Qarabağ münaqişəsində ATƏT-in Minsk qrupunun həmsədrliyi çərçivəsində sülh prosesinin tam bərpasının zəruriliyi vurğulanıb.
