Avstriyanın Avropa və Xarici İşlər üzrə federal naziri Aleksandr Şalenberqin Ermənistana səfəri çərçivəsində Avstriya İnkişaf Agentliyinin Yerevandakı ofisinin açılışı olacaq. Bu barədə Ermənistanın xarici işlər naziri Ararat Mirzoyan bugünkü mətbuat konfransında məlumat verib.
"Məmnuniyyətlə qeyd etmək istəyirəm ki, bu 30 il ərzində çoxlu birgə proqramlar həyata keçirilib, siyasi, iqtisadi, mədəni dialoq və əməkdaşlıq sahəsində ciddi təcrübə var" – deyə Mirzoyan bildirib.
Avstriyanın biznes nümayəndə heyəti də Aleksandr Şalenberqin başçılıq etdiyi nümayəndə heyəti ilə Ermənistana gəlib. Fevralın 3-də onlar Ermənistan-Avstriya biznes forumunun açılışında iştirak edəcəklər.
