Rusiya baş nazirinin müavini Aleksey Overçuk Yerevana işgüzar səfərə gəlib. Səfər çərçivəsində Ermənistan Respublikası Baş nazirinin müavini Mher Grigoryan Rusiya Federasiyası Baş nazirinin müavini Aleksey Overçuk ilə görüşüb.
Görüşdə “Rusiya Dəmir Yolları” ASC-nin baş direktoru, Direktorlar Şurasının sədri Oleg Belozyorov və Rusiya Federasiyasının Ermənistandakı fövqəladə və səlahiyyətli səfiri Sergey Kopirkin də iştirak ediblər.
Tərəflər Rusiya-Ermənistan ikitərəfli münasibətlərinin gündəliyindəki məsələləri, o cümlədən ticarət-iqtisadi əməkdaşlığı müzakirə ediblər. Hər iki tərəf “Cənubi Qafqaz Dəmir Yolu” şirkətinin Ermənistan iqtisadiyyatı üçün mühüm rolunu vurğulayıb, konsessiya müqaviləsi çərçivəsində şirkətlə əməkdaşlığın gələcək inkişafı ilə bağlı bir sıra məsələləri müzakirə olunub.
Görüş zamanı, həmçinin Ermənistan Respublikası, Rusiya Federasiyası və Azərbaycan Respublikası Baş nazirlərinin müavinlərinin sədrliyi ilə üçtərəfli işçi qrupun gündəliyindəki məsələlərə, o cümlədən Cənubi Qafqazda nəqliyyat kommunikasiyalarının bərpası perspektivlərinə toxunulub.
