Ermənistan hələ ki, Antalya Diplomatiya Forumunda iştirakla bağlı qərar verməyib.
Bu barədə Ermənistanın xarici işlər naziri Ararat Mirzoyan avstriyalı həmkarı Aleksandr Şalenberqlə birgə mətbuat konfransında bildirib.
Nazir deyib ki, o, və Ermənistanın Türkiyə ilə münasibətlərin normallaşdırılması üzrə xüsusi nümayəndəsi Ruben Rubinyan Türkiyə tərəfdən dəvət alıb.
“Hələlik heç bir qərar yoxdur. Məsələ müzakirə olunur”, - Mirzoyan qeyd edib.
O əlavə edib ki, məsələyə ikitərəfli münasibətlər müstəvisində baxılmamalıdır, əksinə, bu, Ermənistanın iştirak edəcəyi mühüm beynəlxalq diplomatik hadisədir.
Nazirin fikrincə, bu iştirak münasibətlərin normallaşması prosesi ilə əlaqələndirilsə belə, burada müsbət çalarlardan başqa heç nə yoxdur.
