Noyabrın 17-də ER xarici işlər naziri Ararat Mirzoyan Ermənistanda akkreditə olunmuş diplomatik nümayəndəliklərin rəhbərlərini qəbul edib.
Ararat Mirzoyan qeyd edib ki, görüşün məqsədi Ermənistan və Azərbaycan sərhədində dünən Azərbaycan tərəfindən törədilmiş təxribatçı hərəkətlərinin təfərrüatlarını təqdim etməkdir.
Nazir bildirib ki, dünən Azərbaycan silahlı qüvvələri Ermənistan Respublikasının suveren ərazisinə daxil olublar. Bundan iki gün əvvəl də, noyabrın 14-də növbəti soxulma cəhdi olmuşdu.
Mirzoyanın vurğulayıb ki, Ermənistan tərəfi cavab tədbirləri görüb, çünki bu Ermənistan Respublikasına təcavüzdən başqa bir şey deyil.
“Hazırda Ermənistan tərəfindən 1 itki, əsir götürülmüş 12 erməni hərbçi var, 24 erməni hərbçisinin taleyi hazırda məlum deyil. Rusiya tərəfinin iştirakı ilə axtarış tədbirləri davam etdirilir”,- deyə Mirzoyan əlavə edib ki, Azərbaycanın bu davranışının nədəni ötən il sentyabrın 27-də Dağlıq Qarabağa qarşı başlayan təcavüz zamanı Azərbaycanın güc tətbiq etməsinə beynəlxalq tərəfdaşlarımız - ümumilikdə beynəlxalq ictimaiyyət tərfindən lazımi reaksiyanın olmamasıdır.
“Biz gözləyirik ki, tərəfdaş və dost ölkələrimiz bu hərəkətlərə dərhal və ünvanlı cavab verəcək, Ermənistan Respublikasına qarşı təxribat xarakterli hərəkətləri, təcavüzləri dayandırmağa çağırmaq üçün Azərbaycan Respublikasına birbaşa təsir imkanlarından istifadə edəcəklər”.
Nazirin sözlərinə görə, Azərbaycan Ermənistan-Azərbaycan sərhədində gərginlik yaradaraq, beynəlxalq ictimaiyyətin diqqətini Dağlıq Qarabağ münaqişəsindən yayındırmağa çalışır. “Bir daha qeyd etmək istərdim ki, Ermənistan Respublikası həm öz ərazi bütövlüyünü, həm də Dağlıq Qarabağ ermənilərinin öz müqəddəratını təyin etmək hüququnu qoruyacaqdır”,-Mirzoyan vurğuladı.
