ER Xarici İşlər nazirliyi sərhəddəki vəziyyətlə bağlı bəyanat yayıb:
“Bu gün, noyabrın 16-da Azərbaycan silahlı qüvvələri Ermənistan Respublikası sərhədinin şərq istiqamətində hücuma keçərək Ermənistan Respublikasının suveren ərazisinə soxulub.
Azərbaycan tərəfinin hücum əməliyyatları insan itkisinə səbəb olub. Bu son hücum Azərbaycan tərəfinin bu il mayın 12-də Azərbaycan silahlı qüvvələrinin Syunik və Geğarkunik rayonlarına soxulması ilə başlayan Ermənistan Respublikasının ərazilərini işğal etmək məqsədilə həyata keçirdiyi siyasətin davamıdır.
Azərbaycan bu hərəkətləri ilə noyabrın 9-da olan üçtərəfli bəyanatı pozur, belə ki, Azərbaycan tərəfi həmin bəyanatın icrası nəticəsində Azərbaycan tərəfinə keçmiş ərazilərdən Ermənistan Respublikasına qarşı hücumlara başlayır.
Ermənistan Respublikası BMT Nizamnaməsinə əsasən, öz ərazi bütövlüyü və suverenliyinə qarşı güc tətbiqini bütün vasitələrlə dəf etmək hüququna malikdir.
Biz beynəlxalq ictimaiyyəti, beynəlxalq tərəfdaşlarımızı – RF-nı, KTMT-ni, ATƏT-in Minsk Qrupunun həmsədrlərini, həmsədrləri Azərbaycan tərəfinin təhlükəsizliyi ciddi şəkildə təhlükə altına alan bu hərəkətlərinə aydın cavab verməyə, Azərbaycan silahlı qüvvələrinin Ermənistan Respublikası ərazisindən qeyd-şərtsiz və tam çıxarılması istiqamətdə fəal addımlar atmağa çağırırıq.
