İspaniyanın məşhur “El Confidencial” qəzeti müxtəlif vaxtlarda Avropa strukturlarında aşkarlanan hallara istinad edərək, Azərbaycanın “kürü diplomatiyasına” toxunub.
Məqalədə Avropa İttifaqının Azərbaycanın diktatura kimi təsvir olunduğu hesabatı qəbul etməməsi üçün milyonlarla dollar alan bir sıra yüksək vəzifəli məmurların adı çəkilir. “Azərbaycan Camaşırxanası” (Azezbekani Laundromat) ilə bağlı qalmaqallı açıqlamalara görə Avropa Şurası Parlament Assambleyasının prezidenti vəzifəsindən istefa verən ispan Pedro Agramuntun adı çəkilir. Bu korrupsiya sxemi ilə Əliyev rejiminin xaricdəki nüfuzunu bərpa etmək üçün Avropa şirkətləri və bankları vasitəsilə avropalı məmurlara təxminən 2,9 milyard dollar köçürülüb.
Nəşr fransız jurnalist və sənədli kinorejissor Benua Bringerin “Kürü əlaqələri” (2021) sənədli filminə toxunub.
Filmdə qeyd olunur ki, həmin ölkələrin, o cümlədən Azərbaycanın hakimiyyət orqanları insan hüquqları ilə bağlı öhdəliklərini yerinə yetirməyərək, beynəlxalq Avropa təşkilatları və institutlarında yer almaq üçün “qara qətnamələr” hazırlayıblar.
Film Azərbaycanda qeyri-demokratik seçkilərdən, siyasi, iqtisadi və maliyyə resurslarını ələ keçirməsindən, söz azadlığına təzyiqlərdən, eləcə də avropalı məmurların rüşvətxorluq hallarından bəhs edir.
