ER hökumətinin iclası zamanı Baş nazir Nikol Paşinyan bildirib ki, əvvəllər bir neçə dəfə qeyd etdiyi kimi heç bir “dəhliz məntiqini” müzakirə etməmiş və müzakirə etməyəcəkdir. Ermənistan Respublikasının regional kommunikasiyalarla bağlı mövqeyi odur ki, onlar heç bir ekstraterritorial kontekst olmadan yenidən açılmalıdır.
Paşinyan qeyd edib ki, bu, Rusiya, Ermənistan və Azərbaycan Baş nazir müavinlərinin üçtərəfli formatında müəyyən edilib. O vurğulayıb ki, son həftələrdə bu məntiq və razılaşma Rusiya tərəfindən də açıq şəkildə təsdiqlənib.
Nikol Paşinyan əlavə edib ki, Ermənistan da lazım gələrsə, keçid məntəqələrində gömrük və pasport nəzarəti məntəqələri yaradacaq.
Baş nazir bildirib ki, Ermənistan 9 noyabr 2020-ci il və 11 yanvar 2021-ci il tarixli bəyanatların, xüsusən də regionda bütün nəqliyyat və iqtisadi kommunikasiyaların açılması ilə bağlı müddəalarına əməl etməkdə davam edir.
“Biz regionda bütün iqtisadi və nəqliyyat kommunikasiyalarının açılmasında maraqlıyıq, üçtərəfli işçi qrupunda razılaşdırılmış və elan olunmuş prinsiplər əsasında yaxın gələcəkdə konkret həllərin əldə olunmasına ümid edirik”,-Paşinyan dedi.
