Noyabrın 10-da Parisdə ER Xİ naziri Ararat Mirzoyan ATƏT Minsk Qrupunun həmsdrləri Endryu Şofer (ABŞ), İqor Xovayev (Rusiya), Bris Rokfo (Fransa) ilə görüşüb.
Tərəflər Dağlıq Qarabağ münaqişəsinin nizamlanmasına dair məsələləri müzakirə edib. Ararat Mirzoyan vurğulayıb ki, Dağlıq Qarabağ mümaqişəsinin davamlı və hərtərəfli həllinə yalnız sülh yolu ilə, ATƏT-in Minsk Qrupu həmsədrlərinin mandatı altında, tərəflərə məlum olan prinsiplər və elementlər əsasında nail olmaq mümkündür.
Həmsədrlərin regiona səfərinin əhəmiyyəti vəziyyətlə yerində tanışlıq kontekstində qeyd olunub. Görüş zamanı tərəflər regionda deeskalasiyana yönəlmiş aydın addımların həyata keçirilməsini prioritet hesab ediblər. Bununla əlaqədar olaraq Ararat Mirzoyan Dağlıq Qarabağda dinc əhaliyə qarşı insan tələfatı ilə nəticələnən hücumları pisləyib, eləcə də davamlı anti-erməni ritorikasını qəbuledilməz hesab edib.
ER Xİ naziri və ATƏT-in Minsk qrupunun həmsədrləri təcili humanitar məsələlər ətrafında fikir mübadiləsi aparıblar. Bu kontekstdə Ararat Mirzoyan erməni hərbi əsirlərin, girovların və digər saxlanılan şəxslərin təcili, qeyd-şərtsiz vətənə qaytarılmasının, eləcə də itkin düşmüş şəxslərin taleyinə aydınlıq gətirilməsinin və erməni tarixi-mədəni irsinin qorunmasının zəruriliyini vurğulayıb.
Həmin gün Fransanın xarici işlər naziri Jan-İv Lı Drianın ev sahibliyi və ATƏT-in Minsk Qrupu həmsədrlərinin vasitəçiliyi ilə Ermənistan və Azərbaycan xarici işlər nazirlərinin görüşü keçirilib.
Beştərəfli görüşdə Ermənistan xarici işlər naziri Ermənistan tərəfinin ATƏT-in Minsk Qrupunun həmsədrliyi çərçivəsində Dağlıq Qarabağ münaqişəsinin sülh yolu ilə həlli prosesini tam bərpa etmək mövqeyini ifadə edib.
Ararat Mirzoyan həmsədrlərlə görüşdə ifadə olunan mövqeyi, o cümlədən deeskalasiya, humanitar məsələlərin həlli, eləcə də təxribatların və anti-erməni ritorikasının qebuledilməzliyini bir daha təsdiqləyib.
