Oktyabrın 20-də Vahan Kerobyan İran-Ermənistan Ticarət Palatasının prezidenti Hervik Yaricanyanın başçılıq etdiyi nümayəndə heyəti ilə görüşdü.
Görüşdə nazir müavini Narek Teryan, nazirliyin digər rəsmiləri, İran-Ermənistan Ticarət Palatasının və bir sıra İran şirkətlərinin nümayəndələri iştirak ediblər.
Nazir Ermənistan-İran ticarət əlaqələrinin aktivləşməsində İran-Ermənistan Ticarət Palatasının rolunu yüksək qiymətləndirib. O, həmçinin Ermənistanın İranda ticarət attaşesinin olduğunu və onun fəaliyyətinin iki ölkə arasında iqtisadi əlaqələrin daha da dərinləşməsinə töhfə verəcəyini bildirib.
Hervik Yaricanyan isə vurğuladı ki, birgə iş sayəsində İranda Ermənistanla iqtisadi əməkdaşlığın inkişafı üçün böyük həvəs müşahidə olunur. O, İran tərəfinin nəqliyyat, infrastruktur, kənd təsərrüfatı və informasiya texnologiyaları sahələrində əməkdaşlıqda maraqlı olduğunu bildirdi.
Görüşün sonunda nazir Kerobyan müzakirə olunan məsələlərin əməli addımlara çevrilməsi, bu istiqamətdə birgə fəal işlərin aparılması üçün Ermənistanın İrandakı ticarət attaşesi ilə əməkdaşlıq etməyi təklif edib.
