Ermənistan Respublikasının Baş naziri vəzifəsini icra edən Nikol Paşinyanla ABŞ dövlət katibi Entoni Blinken arasında telefon danışığı olub.
ABŞ tərəfi keçirilən seçkilər münasibətilə Nikol Paşinyanı təbrik etdi. Entoni Blinken ER Hökuməti tərəfindən həyata keçirilən islahatların vacibliyinə əhəmiyyət verdi. O qeyd etdi ki, Amerika bu istiqamətdə dəstək verməyə hazırdır.
Nikol Paşinyan demokratik islahatlar istiqamətində Ermənistanın uğurlarını qiymətləndirdiyinə görə təşəkkür etdi. O, ABŞ-ın Ermənistanda demokratik təsisatların və qanunun aliliyinin gücləndirilməsinə və Yerevanda polis patrul xidmətinin başlanmasına davamlı dəstəyini yüksək qiymətləndirdi.
ER Baş naziri vəzifəsini icra edən Nikol Paşinyan bir ay əvvəl Azərbaycandan erməni əsirlərin qaytarılmasında dövlət katibinin müavini Fil Rikerin səylərini yüksək qiymətləndirdi.
Qeyd olunub ki, əsirlərin qayıtması və Azərbaycan silahlı qüvvələrinin Ermənistanın suveren ərazisindən çıxarılması bölgədə sabitliyin bərqərar olması üçün əsas olacaq.
Dövlət katibi bildirdi ki, ABŞ bütün əsirlərin qayıtması üçün səylərini davam etdirəcək.
Dağlıq Qarabağ münaqişəsinə toxunan Entoni Blinken ATƏT-in Minsk grupunun həmsədrlərinin fəaliyyətinin bərpasına əhəmiyyət verib. O, münaqişənin uzunmüddətli həllinin tapılması üçün sülh prosesinin aydın gündəminin hazırlanmasının zəruriliyini qeyd edib.
Bu kontekstdə Nikol Paşinyan vurğuladı ki, münaqişə həll olunmayıb və hərtərəfli həll lazımdır. Bu, yalnız Minsk Qrupu həmsədrliyi çərçivəsində əldə oluna bilər. ABŞ tərəfi qeyd etdi ki, Minsk qrupunun həmsədrliyi üçün danışıqların müvəffəq olmasına kömək edəcək dəqiq gündəliyə ehtiyac var. Dövlət katibi vurğuladı ki, ER Baş naziri vəzifəsini icra edən Nikol Paşinyanın status-kvonun davamlı ola bilməyəcəyi ilə bağlı fikri ilə razıdır.
