Ճգնաժամային կառավարման պետական ակադեմիան 2007 թվականից իրականացնում է մագիստրոսի կրթական ծրագիր երեք մասնագիտության գծով՝ «Կառավարում (Ճգնաժամային կառավարում)», «Անվտանգությունն արտակարգ իրավիճակներում (Փրկարարական գործ)», «Հոգեբանություն»: Օրեր առաջ ավելացել է ևս մեկ մասնագիտություն՝ «Ճգնաժամային իրավունք»:
Արտակարգ իրավիճակների նախարարը դիմել է կրթության, գիտության, մշակույթի, սպորտի նախարարին՝ ՃԿՊԱ-ում «Ճգնաժամային իրավունք» մասնագիտությամբ մագիստրոսներ պատրաստելու թույլտվություն ստանալու համար։ Թույլտվությունն արդեն կա: «Ճգնաժամային իրավունք» մասնագիտության ուսման տևողությունը 1,5 տարի է՝ տեղեկացնում են ԱԻՆ լրատվական ծառայությունից: