ABŞ prezidenti Donald Tramp Tehranın tezliklə Hörmüz boğazını açacağını, əks halda ABŞ ordusunun İrana "çox güclü zərbə" endirəcəyini bildirib. O, bu açıqlamanı Fox News-a verdiyi müsahibədə verib və İranın razılaşma imzalamaq istədiyi fikrini təkrarlayıb.
"Çox yaxşı müzakirələr aparırıq, amma onlar bunu etiraf etmək istəmirlər", - deyə Tramp vurğulayıb.
ABŞ prezidenti əlavə edib ki, İranla danışıqlar aparmaq üçün kifayət qədər vaxtı var və İran hakimiyyəti yenidən geri çəkilərsə, onlara çox ağır zərbə vurulacaq.
"Onlar bunu bilirlər, mənim alternativim olmadığını başa düşürlər. Onların nüvə silahı ola bilməz. Bu, çox aydındır".
Tramp jurnalistlərə bildirib ki, ABŞ və İran arasında danışıqların nəticəsi növbəti 48 saat ərzində məlum ola bilər və Vaşinqtonla Tehran arasında razılaşma əldə olunarsa, Hörmüz boğazı avqustun 5-də açıla bilər.
