Ukrayna Prezidenti Vladimir Putinə ünvanladığı məktubda Ukrayna Prezidenti Volodimir Zelenski qeyd edib ki, "müharibə Rusiya üçün getdikcə daha çox mənfi xarakter alır". Onun sözlərinə görə, Rusiya xalqı "bizim pilotsuz təyyarələrimizi və raketlərimizi", benzin çatışmazlığını, daimi məhdudiyyətləri və planlaşdırılan səfərbərliyi bəyənmir.
Kəşfiyyat məlumatlarına istinadən Zelenski bildirib ki, may ayında Ukrayna cəbhəsində 30.000 rus əsgəri həlak olub və ya ağır yaralanıb və bu rəqəm bir neçə aydır ki, saxlanılır.
Ukrayna liderinin sözlərinə görə, "Rusiyanın itkilərinin 63%-i həlak olub, yalnız 37%-i yaralanıb". "21-ci əsrdə ordular belə bir tarazlığı təmin edə bilmir. Ölənlərin nisbəti gələcəkdə artacaq", - deyə Zelenski bildirib.
Məktubun sonunda Ukrayna prezidenti yazıb: “Əgər şəxsən Siz bu müharibəni dayandırmağın vaxtı olduğu qənaətinə gəlməsəniz, Ukrayna öz varlığı uğrunda mübarizə aparmağa davam edəcək. Bizi dəstəkləyənlər olacaq. Amma Siz də öz varlığınız uğrunda daha çox mübarizə aparmalı olacaqsınız - Rusiyanın yox, öz varlığınız üçün. Və bu, nə məndən, nə də Ukraynadan gələn təhlükə deyil. Bunlar Sizin yaxşı bildiyiniz Rusiya tarixinin faktlarıdır. Rusiya yorulduqda dəyişikliklər baş verir”, - deyə Zelenski yekunlaşdırıb.
