Rusiya və Belarus prezidentləri Vladimir Putin və Aleksandr Lukaşenko 28 mayda Astanada tədbirlər çərçivəsində bir neçə dəfə söhbət ediblər. Rusiya prezidentinin mətbuat katibi Dmitri Peskov jurnalistlərə bildirib ki, onlar həmçinin Ermənistandakı vəziyyətlə bağlı qısa fikir mübadiləsi aparıblar.
"Dünən tədbirlər çərçivəsində bir neçə dəfə söhbət ediblər. Ermənistanla bağlı qısa fikir mübadiləsi aparılıb. Lakin əsaslı müzakirə aparılmayıb. Sadəcə vaxt yox idi. Lakin qeyri-rəsmi nahar zamanı onlar birlikdə çox yaxşı söhbət ediblər, bu, kifayət qədər uzun söhbət olub",- Peskov qeyd edib.
