Avropa Parlamenti Ermənistanla bağlı qətnaməni 476 səs lehinə, 47 səs əleyhinə, 48 səs bitərəf olmaqla qəbul edib. Qətnamədə AB-nin Ermənistanın demokratik inkişafına, sülh prosesinə və Avropaya inteqrasiya istiqamətində islahatlara dəstəyi bir daha təsdiqlənib.
Sənəddə 2026-cı ilin iyun ayında Ermənistanda azad, ədalətli və dinc parlament seçkilərinin keçirilməsi dəstəklənir və səsvermənin nəticələrinin yalnız Ermənistan xalqı tərəfindən müəyyən edilməli olduğu vurğulanır. Dezinformasiya, qanunsuz maliyyələşdirmə və seçki rüşvətxorluğu ilə mübarizənin vacibliyi vurğulanır.
Avropa Parlamentinin üzvləri Ermənistan-AB münasibətlərinin inkişafını və Ermənistanın demokratiyaya, qanunun aliliyinə və islahatlara sadiqliyini alqışlayıblar. Onlar strateji gündəmi, Ermənistan-Avropa İttifaqı Hərtərəfli və Genişləndirilmiş Tərəfdaşlıq Sazişinin həyata keçirilməsi istiqamətində irəliləyişi, viza liberallaşdırılması dialoqunu və "Davamlılıq və İnkişaf" proqramının həyata keçirilməsini alqışlanıb.
Qətnamədə həmçinin Azərbaycanda erməni məhbusların saxlanılması pislənib və onların dərhal azad edilməsi tələb edilib. Qətnamədə AB-nin Ermənistana maliyyə və texniki yardımının artırılması tələb edilib.
Sənəddə həmçinin Ermənistan-Türkiyə nizamlanmasına dəstək ifadə edilib.
