17 martda ER iqtisadiyyat naziri Gevorq Papoyan Avropa İttifaqının Ermənistandakı Nümayəndəliyinin rəhbəri səfir Vasilis Maragosu qəbul edib. Görüşdə Ermənistan Üzümçülük və Şərabçılıq Fondunun direktoru Zaruhi Muradyan da iştirak edib. Bu barədə ER İqtisadiyyat Nazirliyi məlumat verib.
Görüş zamanı ticarət-iqtisadi əməkdaşlığın gücləndirilməsinə və Ermənistanın davamlı iqtisadi inkişafının təşviqinə yönəlmiş əsas prioritetlər müzakirə edilib.
“Erməni brendinin” coğrafi qeydinin yaradılması üçün texniki yardım, ixracın təşviqi, kiçik və orta sahibkarlığa dəstək, eləcə də investisiya mühitinin cəlbediciliyinin artırılması müzakirə edilib.
Nazir həmçinin UNIDO-nun dəstəyi ilə həyata keçirilən və Aİ tərəfindən maliyyələşdirilən “Ermənistanda Keyfiyyət İnfrastrukturuna Dəstək” proqramının əhəmiyyətini vurğulayıb. Bu proqram çərçivəsində Ermənistanda yeddi peşəkar sahədə dörd müasir kalibrləmə laboratoriyası yaradılıb ki, bunlardan üçü Aİ maliyyəsi ilə beynəlxalq səviyyədə tanınıb.
