Rusiya əvvəlcə Azərbaycan, sonra isə Gürcüstan üzərindən Ermənistana dizel yanacağı və gübrə göndərib. Medianın məlumatına görə, Ermənistana 1984 ton dizel yanacağı və 135 ton gübrə göndərilir.
Əvvəllər Rusiyadan Ermənistana Azərbaycan üzərindən taxıl göndərilirdi. Xüsusilə, 1 fevral tarixinə qədər Rusiyadan Ermənistana Azərbaycan üzərindən təxminən 19900 ton taxıl yüklənmiş 285 vaqon göndərilib.
Rusiya Baş nazirinin müavini Aleksey Overçuk əvvəllər qeyd etmişdi ki, Yerevan və Moskva Ermənistandan Rusiyaya Azərbaycan üzərindən yük daşınmasının təşkili məsələsini müzakirə edirlər.
